བོད་ཡིག

ལྷག་དཀར་ ནི་ ཞི་རྒོལ་ གྱི་ རྩ་བ་ དང་ རང་དབང་ གི་ སྡོང་བོ་ ཡིན།

བསྟན་རྡོར།བོད་རང་བཙན་སློབ་ཕྲུག་ཚོགས་པ།

 

བཙན་གནོན་མཚམས་འཇོག་མ་བྱུང་གོང་རང་དབང་མགོ་འཛུགས་བྱ་དགོས།རང་དབང་ནི་འཐབ་རྩོད་ཀྱི་བསྒུབ་བྱ་ཙམ་མ་ཡིན་པར་དེའི་སྒྲུབ་བྱེད་ཀྱང་རེད།རང་དབང་སྒྲུབ་བྱེད་ཀྱི་ལག་ཆ་གཙོ་བོ་ཞིག་ནི་མི་བསྟུན་པའི་ལས་འགུལ་རེད།ད་ཆ་བོད་ནང་མཐུན་ལམ་མི་བྱེད་པའི་ལས་འགུལ་གྱི་རྩ་བ་བཙུགས་ཟིན་པ་མ་ཟད་སྡོང་བོའང་སྐྱེ་བཞིན་འདུག

 

བོད་ནང་གི་ཞི་རྒོལ་གྱི་སྡོང་བོ་དེ་ནི་ལྷག་དཀར་ཡིན།ལྷག་དཀར་ཞེས་པའི་མིང་ནི།སྤྱིར་རེས་གཟའ་ལྷག་པ་འདི་༧གོང་ས་མཆོག་གི་སྐུའི་བླ་གཟའ་ཡིན་པར་བརྟེན་ཉི་མ་དེ་བདམས་པ་ཞིག་ཡིན་པ་དང་།སྔོན་མ་ནས་རེས་གཟའ་ལྷག་པའི་ཉིན་བོད་མི་མང་པོ་དགོན་པར་སྐོར་བ་ལ་འགྲོ་བ་དང་།དམར་ཟས་སྤོང་བ་སོགས་དགེ་བའི་ལས་སྒྲུབ་པའི་ལུགས་སྲོལ་ཡོད།ད་ཆ་ཆོས་ཕྱོགས་ཀྱི་ལས་དོན་དེ་དག་སྤྱི་ཚོགས་དང་དཔལ་འབྱོར། ཆབ་སྲིད་ཀྱི་ལས་དོན་དུ་འགྱུར་བཞིན་འདུག

 

༢༠༠༨ལོའི་སྒེར་ལངས་ཆེན་པོ་ནས་བཟུང་བོད་ཀྱི་ས་ཁུལ་མང་པོའི་ནང་ལས་འགུལ་གྱི་ངོ་བོ་ལ་འགྱུར་བ་ཞིག་ཕྱིན་ཡོད།དེ་ནི་སྔོན་མ་ཡིན་ན་ཆབ་སྲིད་ལས་འགུལ་གྱི་ངོ་བོ་གཙོ་བོ་ནི་སྐད་འབོད་དང་ཁྲོམ་བསྐོར་ཡིན།འོན་ཀྱང་ད་ཆ་བོད་མི་ཚོས་འཐབ་རྩོད་བྱེད་སྐབས་སྐད་འབོད་ཙམ་མ་ཟད་མཉམ་འབྲེལ་སྤོང་བའི་ཐབས་ལམ་དང་མི་བསྟུན་པའི་ཐབས་ལམ་སོགས་སྣ་ཚོགས་བེད་སྤྱོད་བྱེད་བཞིན་འདུག

 

འདི་ནི་ལོ་རྒྱུས་ཀྱི་རང་བཞིན་ལྡན་པའི་འགྱུར་བ་ཞིག་རེད་ལ།རྒྱ་གར་གྱི་རང་དབང་འཐབ་རྩོད་ནང་ལའང་ཐོག་མར་སྐད་འབོད་དང་ངོ་རྒོལ་གྱི་ཐབས་ལམ་ཁོ་ན་བེད་སྤྱོད་བྱས་ཤིང་། ཕྱིས་སུ་མཉམ་འབྲེལ་སྤོང་བའི་ལས་འགུལ་དང་མི་བསྟུན་པའི་ལས་འགུལ་བཅས་བེད་སྤྱོད་བྱ་རྒྱུ་མགོ་བཙུགས་ཏེ་འཐབ་རྩོད་དེ་ཞེ་དྲག་གི་ནུས་པ་ཆེ་རུ་ཕྱིན་པ་རེད།དེ་ལྟར་ང་ཚོའི་བོད་དོན་འཐབ་རྩོད་ཀྱང་ནུས་པ་ཆེ་རུ་གཏོང་ཆེད།སྐད་འབོད་ཁོ་ནའི་ལས་འགུལ་མ་ཡིན་པར་དེའི་སྟེང་དུ་མི་བསྟུན་པའི་ལས་འགུལ་ངེས་པར་དུ་བསྣན་དགོས།

 

༢༠༠༨ལོའི་སྒེར་ལངས་རྗེས་སུ་བོད་མི་མང་པོས་རྒྱ་གཞུང་དང་།དེ་བཞིན་རྒྱ་མིའི་སྒྲིག་འཛུགས་སོགས་པ་དང་མཉམ་འབྲེལ་སྤངས་བ་དང་རྒྱ་མི་དང་ཚོང་འབྲེལ་ཡང་སྤངས།རང་གི་ཉིན་རེའི་འཚོ་བའི་ནང་བྱ་སྤྱོད་ལ་འགྱུར་བ་བཏང་བ་སྟེ།བོད་ཟས་བཟའ་བ་དང་།དགོན་པར་འགྲོ་བ།བོད་སྐད་གཙང་མ་རྒྱག་པ། བོད་ཡིག་འབྲི་ཀློག་བྱེད་པ།བོད་པའི་ཟ་ཁང་དང་ཚོང་ཁང་ནས་ཉོ་ཚོང་བྱེད་པ་ལས། རྒྱ་མིའི་ཟ་ཁང་དང་ཚོང་ཁང་ནས་མི་ཉོ་བ།བཅས་ཀྱི་ལས་འགུལ་སྤེལ་རྒྱུ་མགོ་འཛུགས་བྱས་འདུག

 

ལས་འགུལ་དེ་དག་གི་རྐྱེན་པས་གྲོང་ཁྱེར་ཆུང་བ་ཁ་ཤས་ནང་རྒྱ་མི་མང་པོ་ཚོང་གིཁེ་སྤོགས་  སྐྱོ་དྲག་ནས་རྒྱ་ནག་ལ་ལོག་པ་སོགས་བྱུང་འདུགའདི་ནི་ཧ་ཅང་གི་གྲུབ་འབྲས་ཆེན་པོ་རེད།ད་བར་རྒྱལ་སྤྱིའི་གནོན་ཤུགས་དང་ཨ་རིའི་རེ་སྐུལ། བོད་གཞུང་གི་འབོད་སྐུལ་བཅས་གང་གིས་ཀྱང་གཏོང་མི་ཐུབ་པའི་འགྱུར་བ་ཞིག་བོད་ནང་གི་བོད་མིས་ཞི་བའི་འཐབ་རྩོད་ལ་  བརྟེན་ཏེ།  གཏོང་ཐུབ་ཡོད། དེར་བརྟེན། ཐབས་ཇུས་ཡག་པོ་གདིང་  ཐུབ་ན་རྒྱལ་ཁ་འདི་ལས་ཀྱང་ཆེ་བ་མང་པོ་ཏན་ཏན་འཐོབ་སྲིད།

 

ངའི་གོ་ཐོས་ལ་དེང་སང་བོད་པ་མང་པོས་ཕན་ཚུན་སྐད་ཆ་ཤོད་སྐབས་རྒྱ་སྐད་ཤོར་ན་ངོ་ཚ་བོ་བྱེད་ཀྱི་འདུག་ཟེར། གཞན་ཡང་ཟ་ཁང་ནང་ལ་ཁ་ལག་མངགས་དུས་བོད་སྐད་མ་རྒྱབ་ན་ཁ་ལག་མ་རག་པའི་སྐོར་ཡང་གོ་ཐོས་  བྱུང་།དེ་ཡང་ལྷ་ས་དང་གཞིས་རྩེ།དེ་མིན་ཁམས་དང་ཨ་མདོའི་ས་ཆ་མང་པོའི་ནང་ལྷག་དཀར་གྱི་ཉམས་ལེན་མགོ་ཚུགས་ཡོད་འདུགད་ཆ་བོད་ནང་ལྷག་དཀར་གྱི་མིང་བེད་སྤྱོད་བྱེད་མིན་ལ་མ་ལྟོས་པར་མི་བསྟུན་པའི་ལས་འགུལ་ཉམས་ལེན་བྱེད་མཁན་དམའ་མཐར་སྟོང་ཕྲག་ཁ་ཤས་ཡོད་པ་གསལ་པོ་རེད།ལོ་ཁ་ཤས་རྗེས་སུ་ལས་འགུལ་འདིའི་ནང་འཛུལ་ཞུགས་བྱེད་མཁན་འབུམ་ཁ་ཤས་བཟོ་ཐུབ་ན་བོད་དོན་འཐབ་རྩོད་ཀྱི་ནུས་པ་ཧ་ཅང་ཚད་མཐོ་བོ་ཞིག་ལ་སླེབས་ངེས་རེད།

 

མི་བསྟུན་པའི་ལས་འགུལ་གྱི་དགེ་མཚན་གཙོ་བོ་ནི་ཐབས་ལམ་འདི་དག་ལག་ལེན་བསྟར་མཁན་གྱི་གང་ཟག་དེ་རྒྱ་གཞུང་གིས་འཛིན་བཟུང་བྱེད་པའི་ཉན་ཁ་ཆུང་དུ་འགྲོ་བཞིན་ཡོད།རྒྱ་གཞུང་གི་ཉེན་རྟོག་པ་ཞིག་གིས་ཁྱེད་རང་བོད་པའི་ཟ་ཁང་ལ་ཁ་ལག་ཟས་འདུག་ཟེར་ནས་ འཛིན་བཟུང་བྱེད་སྲོལ་མེད་ལ།  ཡང་ཁྱེད་རང་རྒྱ་མིའི་ཚོང་ཁང་ནས་དངོས་པོ་གང་ཡང་ཉོས་མི་འདུག་ཅེས་ཉེས་བརྡུང་གཏོང་སྟངས་  ཀྱང་མེད།དེར་བརྟེན་རིམ་གྱིས་ལས་འགུལ་ནང་ཞུགས་མཁན་ཡང་མང་དུ་འགྲོ་ངེས་  རེད་ལ།  ཉེན་ཁ་ཆུང་བའི་ལས་འགུལ་ནང་འཛུལ་ཞུགས་བྱེད་མཁན་ཡང་མང་དུ་འགྲོ་བ་འཇིག་རྟེན་ཆོས་ཉིད་རེད།འོན་ཀྱང་ལས་འགུལ་འདིའི་ནང་འཛུལ་ཞུགས་བྱེད་མཁན་ཆེས་མང་པོ་བྱུང་དུས་ལས་འགུལ་གྱི་ནུས་པ་ཧ་ཅང་གི་ཚད་མཐོ་བོར་འགྱུར་ཞིང་།རྒྱ་གཞུང་དང་བོད་ནང་ཡོད་པའི་རྒྱ་མིའི་སྒྲིག་འཛུགས་ལ་བརྡབ་གསིག་ཆེན་པོ་གཏོང་ཐུབ་ངེས་རེད།

 

འདི་ནི་སེམས་དཔའ་ཆེན་པོ་གྷན་དྷི་མཆོག་གིས་རྒྱ་གར་ལ་དབྱིན་ཇིའི་འོག་ནས་རང་དབང་ཐོབ་ཆེད་སྤེལ་བའི་ལས་འགུལ་དང་གཅིག་པ་གཅིག་ཀྱང་རེད།ལོ་རྒྱུས་ལ་ཕྱི་མིག་བལྟས་དུས་རྒྱ་གར་མི་མང་གིས་དབྱིན་ཇིའི་གཞུང་ལ་ལོ་ངོ་༢༠༠ལྷག་རིང་འཐབ་རྩོད་བྱས་ཡོད་ཀྱང་།༡༩༢༩ནས་བཟུང་མི་བསྟུན་པའི་ལས་འགུལ་མ་སྤེལ་བར་དུ་དབྱིན་ཇིའི་གཞུང་གིས་རྒྱ་གར་གྱི་འཐབ་རྩོད་ལ་བརྩི་མེད་བཏང་ཡོད།རྒྱུ་མཚན་  འདི་ལ་  བརྟེན་ཏེ་  མི་བསྟུན་པའི་ལས་འགུལ་གྱི་ནུས་པ་དང་སྟོབས་ཤུགས་ངོ་མ་ནི་ལོ་རྒྱུས་ཀྱི་རྡོ་རིང་སྟེང་འཁོད་ཡོད།

 

བོད་ནང་ལ་ལྷག་དཀར་སྲུང་བརྩི་ཞུ་བ་ནང་བཞིན་བཙན་བྱོལ་ནང་ལའང་སྲུང་བརྩི་ཞུ་མཁན་མང་དུ་འགྲོ་དགོས།བཙན་བྱོལ་གྱི་རང་དབང་བེད་སྤྱོད་བྱས་ཏེ་རེས་གཟའ་ལྷག་པ་ཙམ་མ་ཟད་ཉིན་ལྟར་  ཐབས་ལམ་སྣ་ཚོགས་ཀྱི་སྒོ་ནས་ལས་འགུལ་སྤེལ་དགོས།གོ་སྐབས་བྱུང་ཚད་བོད་དོན་སྐོར་གླེང་བ་དང་།དྲ་རྒྱའི་སྟེང་བོད་དོན་སྐོར་འབྲི་བ་དང་།ཁྲོམ་ལ་འགྲོ་དུས་རྒྱ་ནག་གིས་བཟོས་བའི་ཅ་ལག་མི་ཉོ་བ་དང་།ཡང་ཡང་རྒྱ་ནག་གི་གཞུང་ཚབ་མདུན་དུ་ངོ་རྒོལ་གྱི་རྣམ་པ་དུ་མ་སྟོན་པ་དང་།ཕན་ཚུན་སྐད་ཆ་ཤོད་དུས་བོད་སྐད་གཙང་མ་རྒྱག་པ་དང་།བོད་ཡིག་གསར་ཤོག་ཀློག་པ་དང་།ངོ་དེབ་དང་གློག་འཕྲིན་ཐོག་བོད་ཡིག་གང་མང་འབྲི་བ།ཆབ་སྲིད་བཙོན་པའི་ནང་མི་སོགས་ལ་རོགས་འདེགས་བྱེད་པ་དང་།རྒྱ་མིའི་དཔོན་རིགས་གང་དུ་སླེབས་ཀྱང་ངོ་རྒོལ་བྱེད་དུ་འགྲོ་བ་ལ་སོགས་པའི་ལས་འགུལ་དུ་མའི་ནང་ཞུགས་ཏེ།ལྷག་དཀར་གྱི་ནུས་པ་གོང་མཐོར་བཏང་ན་བོད་པའི་ཞི་བའི་འཐབ་རྩོད་དེ་འཛམ་གླིང་ཡོངས་ཀྱིས་གུས་བརྩི་བྱེད་པ་མ་ཟད་རྒྱ་གཞུང་གིས་ཀྱང་འཇིགས་སྣང་བྱེད་ས་ཞིག་ཏུ་འགྱུར་ངེས་རེད།

 

Noncooperation: མི་རྟོན་པ་དང་།མི་བསྟུན་པ།མཐུན་ལམ་མི་བྱེད་པ།མཐུན་འབྲེལ་མི་བྱེད་པ།གང་རུང་བེད་སྤྱོད་བྱེད་ཆོག

Disobedience: བཀའ་བརྩི་དང་ལེན་མི་ཞུ་བ།བཀའ་ལ་མི་བརྩི་བ།གང་རུང་བེད་སྤྱོད་བྱེད་ཆོག

བོད་རང་གི་བདེན་པའི་ཨུ་ཚུགས།

གལ་སྲིད་བདག་ཉིད་ཆེན་པོ་གྷན་དྷི་ཡི་བདེན་པའི་ཨུ་ཚུགས་ཀྱི་ཐབས་ལམ་དེ་བོད་ དུ་ལག་བསྟར་བྱུང་ན་ཇི་ལྟར་འགྱུར་རམ་ཞེས་ང་ལ་ལོ་ངོ་དུ་མའི་རིང་དྲི་བ་འདྲི་ མཁན་འདུག  དེར་བརྟེན་འདི་ལ་ལྷག་དཀར་ཟེར་ཞེས་ལན་འདེབས་བྱས་པ་ཡིན། རྒྱ་ནག་གིས་བོད་ཡོངས་སུ་དབང་བསྒྱུར་བྱས་ནའང་བོད་མི་ཚོས་འཚེ་བ་མེད་པའི་ཐབས་ ལམ་གྱི་ནུས་ཤུགས་ལ་བརྟེན་ནས་ལས་འགུལ་སྤེལ་གྱི་ཡོད།འཕོ་འགྱུར་ཆེན་པོའི་གཞི་ རྩ་འདི་ལ་ལྷག་དཀར་ཞེས་གྲགས་ལ་དེ་ནི་རེས་གཟའ་ལྷག་པ་དཀར་པོའམ་ཡང་དག་པའི་རེས་ གཟའ་ལྷག་པ་ཞེས་པའི་དོན་ཡིན། ཉིན་དེ་ནི་༧གོང་ས་མཆོག་གི་སྐུའི་བླ་གཟའ་ཡིན་པས་རེས་གཟའ་ལྷག་པ་ལ་དེ་ལྟར་ཆེ་ བསྟོད་བྱས་པ་ནི་འོས་འཚམས་རེད།

གཟའ་ལྷག་པ་ནམ་ཡིན་ལ་སྲོལ་རྒྱུན་གྱི་གྱོན་ཆས་སྤྲས་པ་དང་བོད་སྐད་བཤད་པ། བོད་རིགས་ཀྱི་ཟ་ཁང་ནང་ཁ་ལག་ཟ་བ།བོད་རིགས་ཀྱིས་བདག་གཉེར་བྱེད་པའི་ཚོང་ཁང་ནས་ ཅ་ལག་ཉོ་རྒྱུར་དམིགས་བསལ་གྱིས་ འབད་བརྩོན་བྱེད་མཁན་བོད་མི་ཇེ་མང་རེད། དེ་ནི་རྒྱ་ནག་ལ་གདོང་གཏུག་ནས་ངོ་རྒོལ་བྱས་པ་ཞིག་མ་ཡིན་པར། བོད་ཀྱི་སྐད་ཡིག་དང་རིག་གནས་གོང་མཐོར་གཏོང་རྒྱུའི་ཆེད་དུ་ཡིན།  ད་དུང་མཉམ་ལས་མི་བྱེད་རྒྱུ་དེ་ནི་རྒྱ་ནག་གི་འཛིན་སྐྱོང་ལས་ཁུངས་ཁག་དང་གཞུང་ འབྲེལ་གྱི་ཚོང་ལས་ལ་རྒྱབ་སྐོར་མི་བྱེད་རྒྱུའི་ཆེད་དུ་ཡིན། ༢༠༠༨ ལོ་ནས་བཟུང་སྟེ་ངོ་རྒོལ་བ་རྣམས་འཇིགས་སྐུལ་འོག་ཞི་འཇགས་གཏོང་རྒྱུའི་དོན་དུ་ པེ་ཅིང་ནས་རྒྱ་ལམ་ཡོངས་རྫོགས་བཀག་པ་རེད། འོན་ཀྱང་དེ་ལས་ལྡོག་སྟེ་ཕར་རྒོལ་གྱི་སྙིང་སྟོབས་མ་ཞུམ་པར་ནང་གི་བློ་སྒོ་ ཕྱེ་བ་ལྟ་བུར་གྱུར། ལྷག་དཀར་ལ་མཉམ་ཞུགས་པ་ཚོས་རང་གི་ཁྱིམ་དང་ཉིན་རེའི་འཚོ་བའི་ཁྲོད་དུ་བོད་ཀྱི་ ཡུལ་སྲོལ་གོམས་གཤིས་དར་འཕེལ་དུ་གཏོང་བ་མ་ཟད། སོ་སོའི་རིག་གནས་ཀྱི་ངོ་བོ་དང་ཆབ་སྲིད། སྤྱི་ཚོགས་ཀྱི་འབྲེལ་ལམ་སྔར་ལས་དམ་ཟབ་ཏུ་གཏོང་གི་ཡོད། ཁོང་ཚོས་ལྷག་དཀར་བརྒྱུད་ནས་ང་ཚོ་བོད་པ་ཡིན་ཞེས་སྒྲོག་གི་ཡོད།
རིག་གནས་བསྐྱར་གསོ་འདི་ནི། ཡུ་རོབ་ཀྱི་རིག་རྩལ་བསྐྱར་དར་དང་མཚུངས་པར་བོད་རིགས་ལ་དར་བ་ཞིག་ ཡིན། རོལ་མོ་བ་དང་རྩོམ་པ་པོ། རི་མོ་མཁན་རྣམས་ཀྱིས་རྫོགས་མཐའ་མེད་པའི་གླུ་གཞས་དང་འབྲི་རྩོམ་གྱི་ཆུ་རྒྱུན་ རིང་མོ་བསྐྲུན་ཏེ་བོད་ཀྱི་སྒྱུ་རྩལ་དང་སྐད་ཡིག་གི་རྣམ་པ་ལ་འགྱུར་ བ་གཏོང་ བཞིན་ཡོད། ད་དུང་སྒྱུ་རྩལ་གྱི་བྱེད་ལས་གཞན་གྱི་ཐོག་ནས་ཀྱང་གཏིང་དཔོག་མི་ ཐུབ་པའི་བོད་ མིའི་ན་ཟུག་དང་བར་མི་ཆད་པའི་རེ་འདོད། སྐབས་འགའ་ཡི་སྤྲོ་སྣང་རྣམས་ཕྱིར་མངོན་པར་བྱེད་ཀྱི་ཡོད། སྙིང་སྟོབས་ཀྱིས་འབར་བའི་༢༠༠༨ ལོའི་སྒེར་ལངས་དང་འཛམ་གླིང་དུ་དྲག་ཏུ་འཕྱུར་བའི་བོད་ཀྱི་སྒྱུ་རྩལ་ གསར་པ་ འདིས་མིག་རྒྱང་གི་བློ་སྒོ་ཇེ་ཆེར་བཏང་ཡོད། ཆབ་སྲིད་ལས་འགུལ་གྱིས་སྒྱུ་རྩལ་གསོན་པོ་དང་སྒྱུ་རྩལ་གྱིས་ཀྱང་ལས་ འགུལ་དེ་ ཉིད་གསོན་པོ་བྱེད་ཀྱི་ཡོད།
བཙན་བྱོལ་བོད་མི་རྣམས་ཀྱིས་ལས་རིགས་འདི་རྣམས་ཕྱི་ལ་ཁྱབ་པའི་དོན་དུ་ལས་འགུལ་ སྤེལ་འགོ་ཚུགས་ཟིན་པས། ཨ་རིའི་བྷོ་སི་ཊོན་དུ་ཡོད་པའི་བོད་མི་རྣམས་ཀྱིས་རེས་གཟའ་ལྷག་པ་ནམ་ཡིན་ལ་ བོད་དོན་ལས་འགུལ་སྤེལ་ནས་བོད་ལ་རང་དབང་མ་ཐོབ་བར་དུ་ལས་འགུལ་མུ་མཐུད་ ནས་ རྒྱུན་འཁྱོངས་བྱེད་རྒྱུའི་དམ་བཅའ་བཞག་ཡོད། བོད་དུ་བཀག་སྡོམ་གང་བྱུང་བ་རྣམས་ཁྱབ་བསྒྲགས་ཡོང་བའི་ཆེད་དུ་བོད་རང་བཙན་ སློབ་ཕྲུག་ཚོགས་པས་རིག་རྩལ་བསྐྱར་དར་གྱི་རྒྱུད་འབྲེལ་ཞེས་པའི་ཟླ་རེའི་ལས་ འགུལ་ཞིག་སྤེལ་གྱི་ཡོད། བོད་དོན་རྒྱབ་སྐྱོར་བ་རྣམས་ཀྱིས་སོ་སོའི་སྲིད་དོན་སྐུ་ཚབ་རྣམས་ལ་བོད་དོན་ སྐོར་གྱི་སློབ་གསོ་སྤྲོད་རྒྱུའི་དམ་བཅའ་བཞག གཞན་པ་ཚོས་ཀྱང་རྒྱ་ནག་ནས་བསྐྲུན་པའི་ཅ་དངོས་ལ་འབྲེལ་ཐག་མཚམས་འཇོག་བྱེད་ རྒྱུའི་དམ་བཅའ་བཞག་ཡོད། རིག་གཞུང་བསྐྱར་དར་དང་ཆབ་སྲིད་འཕོ་འགྱུར་ཟུང་འབྲེལ་གྱི་དྲག་ཆར་ འདིས་མཐར་ཐུག་རྒྱ་ནག་གི་བཙན་གནོན་མ་ལུས་པར་མངོན་སུམ་མཐར་སྐྲོད་བྱས་ནས་བོད་ དེ་བོད་མིས་སྐྱོང་བའི་དུས་ཤིག་འབྱུང་གི་རེད། གྷན་དྷིི་གཤེགས་ཏེ་དུས་རབས་ཕྱེད་ཀའི་རྗེས་སུ་ཁོང་གི་བདེན་པའི་ཨུ་ ཚུགས་ཡང་བསྐྱར་བོད་དུ་འཁྲུངས་པ་རེད། སྐབས་འདིར་དེ་ལ་ལྷག་དཀར་ཞེས་འབོད་ཀྱི་ཡོད་པ་རེད།།

བསོད་ནམ་སྟོབས་ རྒྱལ་གྱིས་བོད་བསྒྱུར་བྱས།

Leave a Comment